Сбываются худшие прогнозы по Ледовому. Такой огромный, для нашего города - ненужен!
На "Кубак Палесся" пад прымусам
Улады Бабруйска абавязалі прадпрыемствы і ўстановы выкупіць пэўную колькасць білетаў на матчы хакейнага турніру "Кубак Палесся".
Большасць квіткоў трапіла ў мясцовы аддзел адукацыі. Так, школе №18 загадалі распаўсюдзіць 200 білетаў – кожны трэці вучань мусіць набыць квіток. У школе №21 "адмоўнікам" прыгразілі замест хакея адправіць на прыборку школы. Тых жа, хто квіток набудзе, вызваляць на 2 чвэрці ад школьных суботнікаў. А потым удакладнілі, што за набыты білет увогуле дазволяць не прыходзіць у школу па суботах.
У СШ №20 настаўнікі загадалі вучням: "На вялікім перапынку – дадому па грошы на квіток". Цэнтру пазашкольнай работы "Росквіт" Першамайскага раёна давялі план у 400 квіткоў. Супрацоўнікі цэнтра былі абавязаныя выкласці па 8-14 тысяч уласных грошай на квіткі.
Адміністрацыя Першамайскага раёна Бабруйска разаслала ліст па прадпрыемствах, у прыватнасці, у тралейбуснае ўпраўленне з прапановай "правесці тлумачальную працу ў калектыве 2 і рэалізаваць па 30 квіткоў на кожны дзень спаборніцтваў.
Нагадаем, "Кубак Палесся" стартуе сёння. Турнір будзе праходзіць па 8 лістапада ў Бабруйску і Жлобіне адначасова. Удзел у ім возьмуць зборныя Беларусі, Палесся, Аўстрыі, Даніі, Нарвегіі і Францыі.
Крыніца: Алесь ВАСЬКО. Еўрарадыё.
P.S. А когда выступают республиканские рядовые команды - то тоже аншлага ненаблюдается....
|